Ձախէն երկրորդը՝ Հայաստանի Առողջապահութեան փոխնախարար Լենա Նանուշեան

Օգոստոս 28-30 Նիւ Տելհիի մէջ տեղի ունեցած միջազգային դեղագործական ցուցահանդէսին  «iPHEX» (iPHEX International Pharmaceutical Exhibition) մասնակցած է Հայաստանի Առողջապահութեան փոխնախարար Լենա Նանուշեանի գլխաւորած պատուիրակութիւնը։ 

Հնդկաստանի կառավարութեան եւ Դեղագործական արտադրանքի խթանման խորհուրդի (Pharmexcil) կազմակերպած ցուցահանդէսը ի մի բերած է բազմաթիւ դեղագործական ընկերութիւններ եւ առողջապահութեան բնագաւառի կառավարիչներ՝ ամբողջ աշխարհէն` բացայայտելու նորարարութիւնները եւ ընդլայնելու փոխադարձ գործակցութեան շրջանակները։

Իր ելոյթին ընդգծելով Հնդկաստանի հետ համագործակցութեան  երկարամեայ փորձառութիւնը` տիկին Նանուշեան անդրադարձած է կեանքեր փրկելու և «առողջութիւն բոլորի համար» գերակայ նպատակին հասնելու ընդհանուր յանձնառութեան:

Իբրեւ Հայաստանի 2020-2050 վերափոխման ռազմավարութեան առաջնահերթութիւն` ան ներկայացուցած է առողջապահական համապարփակ բարեփոխումներու ուղղութեամբ Կառավարութեան կարեւոր քայլերը:

Փոխնախարարը վստահեցուցած է, որ կողմերու միջեւ շինիչ երկխօսութեան միջոցով կարելի պիտի ըլլայ որակեալ առողջապահական ծառայութիւններ մատուցել մեր երկիրներու քաղաքացիներուն: