Caucasus Heritage Watch-ի կ՚ահազանգէ, թէ ազերի վանդալները հիմնայատակ կործանած են 177-ամեայ Շուշիի Սուրբ Յովհաննէս Մկրտիչ Կանաչ ժամ եկեղեցին։

Caucasus Heritage Watch-ի այս առթիւ հրապարակած հաղորդագրութեան մէջ կ՚ըսուի. 

«2023 Դեկտեմբեր 28-էն մինչեւ 2024 Ապրիլ 4 ժամանակամիջոցին աւերուած է Շուշիի 177-ամեայ յուշարձան Ս. Յովհաննես Մկրտիչ եկեղեցին, որ Ազերպայճանի կողմէ ամենակոպիտ խախտումն է Արդարադատութեան միջազգային ատեանի 2021 Դեկտեմբերի վճիռին (https://tinyurl.com/yr7jvd3r):

1847 թուականին հայերու կողմէ կառուցված եկեղեցին, որ կը կոչուի Կանաչ ժամ (կանաչ մատուռ), վնասիուած է 2020-ի պատերազմի ընթացքին։ Պատերազմէն յետոյ Ռուս ուղղափառ եկեղեցւոյ Պաքուի թեմը կը յաւակնէր աղօթավայրին եւ կը խոստանար վերականգնել: Բայց եւ այնպէս, եկեղեցին այժմ վերացած է։

Զանգակատան մուտքին մօտ կային հայերէն շինարարական արձանագրութիւններ՝ «Ս. Յովհաննէս Մկրտիչ եկեղեցին կառուցուած է Շուշի քաղաքէն պարոն Յովհաննէս եւ Պապա Ստեփանեան Յովնանենցի կողմէ՝ ի յիշատակ իրենց հանգուցեալ եղբօր՝ Մկրտիչի, 1847 թուականին։

Լրացուցիչ տեղեկութիւններու համար տե՛ս. Monument Watch-ի գրառումը այս եկեղեցւոյ մասին՝ https://tinyurl.com/2b2t9pv2