Search
Close this search box.

ԳԵՐՄԱՆԻԱ – Արամ Խաչատրեանի 120-ամեակին նուիրուած համերգ՝ Շթութկարթի մէջ

Հոկտեմբեր 28-ին, Շթութկարթի մէջ տեղի ունեցած «հայկական մշակոյթի օրեր»-ու շրջանակին մէջ կազմակերպուած է «Խաղաղութեան սիմֆոնիա» եզրափակիչ համերգը, նուիրուած Արամ Խաչատրեանի 120-ամեակին։ 

Ողջոյնի խօսքով ելոյթ ունեցած է Հայաստանի դեսպան Վիկտոր Ենգիբարեան։ Անուանի երգահաններ Ռուբէն Ալթունեանի, Ֆելիքս Մենտելսոն Պարթոլտիի և Եդուարդ Միրզոյեանի ստեղծագործութիւնները հնչած են Հայաստանի պետական սենեկային նուագախումբի կատարողութեամբ եւ խմբավար Ռուբէն Ղազարեանի ղեկավարութեամբ։

Գերմանական «Շթութկարթեր Զայթունկ» թերթը անդրադարձած է Շթութկարթի մէջ արդէն աւանդական դարձած հայկական մշակոյթի օրերուն, որ այս տարի կը կրէր «Միասին՝ խաղաղութեան համար» բնաբանը։

Նշենք, թէ Հայաստանի դեսպանութեան աջակցութիւնը վայելող ձեռնարկը հովանաւորած են բազմաթիւ կազմակերպութիւններ։

Խմբագրական