Դեսպան Օլիվիէ Տըքոթինյի. «Հայաստան ոեւէ մէկուն “ետեւի բակ”-ը չէ, այլ բարեկամ երկիր մը»

Հայաստանի մէջ Ֆրանսայի դեսպան Օլիվիէ Տըքոթինյի անդրադառնալով POLITICO Europe շաբաթաթերթի հրապարակման, թէ «Ֆրանսա իր դրօշը պարզած է Ռուսաստանի “ետեւի բակ”-ին (backyard) վրայ՝ Հայաստանի հետ զէնքի մատակարարման գործարքներուն միջոցով», X ընկերային ցանցի իր էջին վրայ գրած է.

«Հոս դրօշ պարզելու հարց չկայ։ Հայաստան ոեւէ մէկուն «backyard»-ը չէ, այլ բարեկամ եւ ժողովրդավարական երկիր մը, որու ինքնիշխանութեան ու տարածքային ամբողջականութեան սատար կը հանդիսանայ Ֆրանսա»։