Search
Close this search box.

Եանեզ Լենարչիչ. «ԵՄ-ը իր անսասան զօրակցութիւնը կը յայտնէ Լեռնային Ղարաբաղի ժողովուրդին»

Հոկտեմբեր 6-ին Հայաստան ժամանած է Եւրոպական Միութեան (ԵՄ) Ճգնաժամային կառավարման հարցերու յանձնակատար Եանեզ Լենարչիչ։ 

Ան նոյն օրը Երեւանի Մարդասիրական կեդրոնին մէջ տեղի ունեցած մամլոյ ասուլիսին յայտարարած է, թէ ԵՄ-ը խստօրէն կը դատապարտէ Սեպտեմբեր 19-ի ազերպայճանական ռազմական գործողութիւնը Լեռնային Ղարաբաղի հայ բնակչութեան նկատմամբ եւ իր ամբողջական զօրակցութիւնը կը յայտնէ Հայաստանին, հայ ժողովուրդին, յատկապէս Արցախէն տեղահանուածներուն:

Ան այս կապակցութեամբ X-ի իր էջին գրած է.

«Լեռնային Ղարաբաղի գրեթէ ամբողջ հայ բնակչութիւնը փախած է Հայաստան։ Այսօր ես Երեւան եկած եմ՝ արտայայտելու ԵՄ-ի անսասան զօրակցութիւնը բոլոր անոնց, որոնք հարկադրաբար լքած են իրենց բնակավայրերը, ինչպէս նաև Հայաստանին եւ կարիքաւորները հիւրընկալող համայնքներուն»։

Խմբագրական