Հօ-տը-Սէն նահանգի նախագահ Ժորժ Սիֆրետի Մայիս 28-ին Իջեւանի մէջ բացումը կատարած է «Փաթրիք Տեվեճեան» արհեստագործական վարժարանին: Այս ծրագիրը կ՚ամրապնդէ Հօ-տը-Սէնի եւ Տաւուշի համագործակցութիւնը եւ կը նպաստէ կրթութեան ու տեղական գիւղատնտեսութեան:
Այս առիթով Հայաստանի մէջ Ֆրանսայի դեսպան Օլիվիէ Տըքոթինյի «X» ընկերային ցանցի իր հաշիւին գրած է.
«Անաթոլ Ֆրանս, Միսաք Մանուշեան եւ այժմ՝ Փաթրիք Տեվեճեան: Հայաստանի մէջ երեք դպրոցներ կը կրեն ֆրանսացի անձնաւորութիւններու անուններ: Երեք հոգի՝ տարբեր դարաշրջաններու պատկանող եւ տարբեր համոզումներու տէր, բայց որոնք առաջնորդուած են Ֆրանսայի եւ Հայաստանի նկատմամբ նոյն սիրով»:
© 2023 Բոլոր իրաւունքները վերապահուած են։
