Search
Close this search box.

Լրագրողներու համահայկական համաժողովը կը կայանայ 2023-ի գարնան

 

Հաղորդագրութիւն

Լրագրողներու համահայկական համաժողովները համակարգող խորհուրդի հերթական նիստը տեղի ունեցաւ 2022 Օգոստոս 19-ին, Հայաստանի Լրագրողներու միութեան կեդրոնատեղիին մէջ, Երեւան:

Նիստին մասնակցեցան` Հայաստանի Լրագրողներու միութեան նախագահ եւ «168 ժամ» թերթի գլխաւոր խմբագիրը, «Արմէնփրէս» լրատու գործակալութեան նախկին եւ ներկայ տնօրէնները, Լրասփիւռներու համահայկական ընկերակցութեան նախագահ եւ «Նոյեան տապան» լրատու գործակալութեան տնօրէնը, «Ազդակ»-ի եւ «Զարթօնք»-ի տնօրէն-գլխաւոր խմբագիրները եւ տեսակապով` Չեխիոյ «Օրեր» ամսագրի գլխաւոր խմբագիրը:

Օրակարգին մէջ ներառուած էին.-

– Տարածաշրջանային առցանց խորհրդակցական նիստերու զեկուցում:

– Համակարգող խորհուրդի կազմի հանգրուանային համալրում:

– Յառաջիկայ Համահայկական համաժողովի թուականի ճշդում:

– Լրագրողներու համախմբումի գրանցման իրաւական հարցեր:

– Երիտասարդ լրագրական մարդուժի պատրաստութեան ծրագրերու նախագիծերու ներկայացում:

Ժողովը որոշեց յառաջիկայ համաժողովը կազմակերպել 2023-ի գարնան:

Համաժողովին հետ կապուած այլ մանրամասնութիւնները պիտի քննարկուին համակարգող խորհուրդի յառաջիկայ նիստին, որ տեղի պիտի ունենայ 2022 Նոյեմբերին:

ԼՐԱԳՐՈՂՆԵՐՈՒ ՀԱՄԱՀԱՅԿԱԿԱՆ ՀԱՄԱԺՈՂՈՎՆԵՐԸ

ՀԱՄԱԿԱՐԳՈՂ ԽՈՐՀՈՒՐԴ

Խմբագրական