Վարչապետ Նիկոլ Փաշինեան՝ նախագահ Վահագն Խաչատուրեանի, Ազգային ժողովի նախագահ Ալէն Սիմոնեանի եւ ՀՀ բարձրագոյն իշխանութեան ներկայացուցիչներու հետ Հայաստանի անկախութեան 31-ամեակին առթիւ այցելած է «Եռաբլուր» զինուորական պանթէոն։

Ան ծաղիկներ խոնարհած է սպարապետ Վազգէն Սարգսեանի, Անդրանիկ Օզանեանի շիրիմներուն եւ ծաղկեպսակ՝ յանուն հայրենիքի իրենց կեանքը նուիրաբերած հայորդիներու յիշատակը յաւերժացնող յուշահամալիրին: