ԹԱՍՍ լրատու գործակալութիւնը յղում ընելով բարձրաստիճան պաշտօնատարի մը,– որու անունը չի տրուիր,– կը հաղորդէ, թէ Հայաստանի վարչապետ Նիկոլ Փաշինեան կ՚ընթանայ Ուքրաինայի նախագահ Վոլոտիմիր Զելենսկիի հետքերով։

“Եւրոպական խորհրդարանին մէջ Հոկտեմբեր 17-ին Հայաստանի վարչապետ Նիկոլ Փաշինեանի ելոյթը կը գնահատենք իբրեւ բացարձակ անպատասխանատու եւ գրգռիչ, յատկապէս այն բաժինը որ կը վերաբերի Ռուսաստանին եւ ռուս-հայկական յարաբերութիւններուն,– ըսած է պաշտօնատարը եւ շարունակած. «Կը տեսնենք, թէ ինչպէս կը փորձեն Հայաստանը վերածել թիւ 3 Ուքրաինայի, եթէ Մոլտովան համարենք թիւ 2 Ուքրաինա, իսկ Փաշինեան եօթը մղոննոց քայլերով կ՚ընթանայ Զելենսկիի ճանապարհով”,– նշած է ան։