Search
Close this search box.

ՎԻՐԱՀԱՅ ԿԵԱՆՔ – Թիֆլիսի մէջ նշուած է Սայեաթ Նովայի յիշատակին նուիրուած աւանդական Վարդատօնը

Մայիս  19-ին,  Թիֆլիսի մէջ մեծ շուքով նշուած է  110-րդ  աւանդական  Վարդատօնը`  նուիրուած  աշուղ  Սայեաթ  Նովայի  յիշատակին։

Ինչպէս  ամէն  տարի`  նախ հոգեհանգստեան պաշտօն կատարուած է Սուրբ Գէորգ առաջնորդանիստ եկեղեցւոյ մէջ,  որուն յաջորդած է վարդերու զետեղում՝  եկեղեցւոյ բակը գտնուող Սայեաթ  Նովայի  հուշաքարին  առջեւ։  Այնուհետեւ  տեղի  ունեցած  է  տօնական  բացօթեայ  համերգ՝  Գորգասալի  հրապարակին վրայ։

Ներկաները  ողջունած է Վիրահայերու  միութեան  ատենապետուհի Մարի  Առաքելովա։  Բացման  խօսքով  հանդէս  եկած են  Թիֆլիսի քաղաքապետական խորհուրդի նախագահ  Կիորկի  Տղեմալաձէ եւ  Վրաստանի մէջ Հայաստանի  դեսպան  Աշոտ  Սմբատեան։

Ապա՝ հրապարակին վրայ թեւածած է  300  տարիէ ի վեր  իր    արդիականութիւնն  ու  հնչեղութիւնը  չկորսնցուցած անմահ աշուղին  երգն  ու  երաժշտութիւնը։

Ելոյթներ  ունեցած  են  Հայաստանի  ազգային  նուագարաններու  պետական  նուագախումբը,  հայ եւ վրացի երգիչ-երգչուհիներ,  «Վանք», «Ջեյրան», «Անի»  պարային  համոյթները,  «Հայարտուն»  կեդրոնի ասմունքողները։

Համերգին ներկայ եղած է հոծ թիւով բազմութիւն մը։

 

Խմբագրական