Հասոյթը պիտի տրամադրուի Արցախէն բռնի տեղահանուածներուն

Մեծանուն երգահան Արամ Խաչատրեանի 120-ամեակին առիթով Հոկտեմբեր 26-ին եւ 27-ին Փարիզի Palais des Congrès-ի, եւ Հոկտեմբեր 29-ին՝ Սթրազպուրկի Zénith Europe համալիրին մէջ, Հայաստանի օփերայի եւ պալէի ազգային թատրոնը կը ներկայացնէ երաժիշտին «Դիմակահանդէս» պալէն։ 

Այս բացառիկ ներկայացումը կը կայանայ Հայաստանի Հանրապետութեան Կրթութեան, գիտութեան, մշակոյթի եւ մարզանքի նախարարութեան, Ֆրանսայի մէջ Հայաստանի դեսպանութեան «Բարեկամներու Միութեան» և «Franceconcert» ընկերութեան հետ համագործակցաբար։ 

Ներկայացման բեմադրութիւնը ստանձնած է Վիլեն Գալստեան, բեմանկարիչն է՝ Աւետիս Բարսեղեան, բեմադիր-ղեկավարը՝ Յարութիւն Արզումանեան:

Ներկայացումներուն հասոյթը պիտի տրամադրուի Արցախէն բռնի տեղահանուած մեր հայրենակիցներուն ի նպաստ իրագործուող ծրագրերուն։

Տոմսերը կարելի է ապահովել հետեւեալ կայքէջերէն՝ 

Billetterie du Palais des Congrès de Paris : https://shorturl.at/hlKL5 

Billetterie du Franceconcert : https://www.franceconcert.fr/fr/spectacle/mascarade/