«Աւրորա» մարդասիրական նախաձեռնութեան համահիմնադիր Նուպար Աֆէեան եւ «Աֆէեան» հիմնադրամի համանախագահ Աննա Աֆէեան յայտարարած են, որ 2 միլիոն տոլար օժանդակութիւն կը յատկացնեն աւելի քան 100.000 բռնի տեղահանուած Արցախցիներուն։

«Նիւթական աջակցութիւնը կ՚ուղղուի քանի մը բնագաւառներու, ինչպէս՝ նախնական կարիքներու բաւարարման, բժշկական եւ ընկերային-հոգեբանական աջակցութեան, նաեւ երկարաժամկէտ կրթական կարելիութիւններու ստեղծման»,– նշուած է Աֆէեան ամոլի հրապարակած հաղորդագրութեան մէջ։ ■

Լուսանկարը՝ Արցախէն տեղահանուած երեխաները 

Գորիսի մէջ։ 2023 Սեպտեմբեր 27

© Նարեկ Ալեքսանեան